2018 წლის 25 აპრილს ამერიკის წამლისა და სურსათის სააგენტომ FDA, Food and Drug Administration] ანტიეპილეფსიურ საშუალება ლამიქტალზე [იგივე ლამიტრიჯინი, Lamictal (lamotrigine)] გაფრთხილება გაავრცელა.  

სააგენტოს განცხადებით, ამ პრეპარატმა, რომელიც ბიპოლარული აშლილობისა სამკურნალოდ გამოიყენება, შეიძლება იმუნური სისტემა ისე უკონტროლოდ გააძლიეროს, რომ ჰემოფაგოციტური ლიმფოჰისტიოციტოზი [hemophagocytic lymphohistiocytosis (HLH)] გამოიწვიოს, რომლის დროსაც პაციენტებს კრუნჩხვები უვითარდებათ, სხეულის ტემპერატურა კი 38 გრადუსამდე ადის.  

ეს მოვლენები აზიანებს სისხლის უჯრედებს; ასევე ღვიძლს, თირკმელებსა და ფილტვებს; რიგ შემთხვევებში კი შეიძლება პაციენტის სიკვდილიც გამოწვიოს.

სააგენტო მწარმოებლებს აფრთხილებს, რომ მათ ანოტაციაში უფრო მკაცრი გაფრთხილება ჩაიწეროს პრეპარატის უკუჩვენებებზე და გააფრთილონ როგორც პაციენტები, ასევე მკურნალი ექიმები.  

FDA-ს რეკომენდაციით, ექიმებმა სწრაფად უნდა მოხსნან ეს პრეპარატი, თუ პაციენტებში ანთების ან ცხელების მატების მკვეთრ ნიშნებს შეამჩნევენ და უმკურნალონ სიმპტომებს. 

პრეპარატი ბაზარზე უკვე 24 წელია, რაც დაშვებულია.

'ლამიქტალი' საქართველოში 

'ლამიქტალი' საქართველოს ფარმაციულ ბაზარზეც იყიდება, როგორც 'ავერსში', ასევე 'ჯიპისი'-ში.  წამლის ანოტაციაში ბევრი გვერდითი მოვლენაა ჩამოთვლილი, მაგრამ ჰემოფაგოციტური ლიმფოჰისტიოციტოზის შესაძლო განვითარების საფრთხეზე  ჯერ-ჯერობით არაფერი წერია.