ა.შ.შ. სურსათისა და წამლის ადმინისტრაციამ [F.D.A.] საგანგებო რეჟიმში დაამტკიცა წამალი, სახელად კინერეტი [ანაკინრა], რომელიც ინექციის სახით მიიღება COVID-19 პაციენტების სამკურნალოდ - ისეთი ტიპის პაციენტებისთვის, რომლებიც ჰოსპიტალში მოხვდნენ და რომლებსაც მკურნალობისთვის დამატებით სჭირდებათ ჟანგბადი [დაბალი ან მაღალი წნევით], რომლებსაც აქვთ მწვავე სუნთქვითი უკმარისობის განვითარების მაღალი რისკები, ასევე აქვთ ჯანმრთელობის სხვა დამატებითი მდგომარეობები, რომლებიც გადაუდებელ მკურნალობას საჭიროებს. 

კინერეტი F.D.A.-ს იქამდეც ჰქონდა დამტკიცებული, როგორც რევმატოიდული ართრიტის სამკურნალო საშუალება, ასევე, კრიოპირინთან ასოცირებული პერიოდული სინდრომებისა და ინტერლეიკინ-1-ის დეფიციტის სამკურნალოდ, როგორც მისი რეცეპტორის ანტაგონისტი. 

კინერეტის მიღების დროს ყველაზე გამოხატული გვერდითი მოვლენაა [ინციდენტობა  ≥ 1%] ღვიძლის ფერმენტების მომატება, ნეიტროპენია [სისხლის თეთრი უჯრედების განსაკუთრებულად დაბალი რაოდენობა], გამონაყარი, და რეაქცია ინექციის ადგილას [გაწითლება, შეშუპება,...].