საქართველოში ახალი კორონავირუსის ვაქცინაციის პროცესი 2021 წლის 15 მარტს დაიწყო. ვაქცინაციის დაწყებიდან დღემდე საქართველოს მოქალაქეები ოთხი მწარმოებლის ვაქცინებით აიცრნენ: "პფაიზერის," "ასტრაზენეკას," "სინოფარმისა" და "სინოვაკის" ვაქცინებით.

ვაქცინების დანაკარგები

ვაქცინა მაშინ იკარგება, როდესაც ფლაკონი იხსნება, მაგრამ კონკრეტულ სამედიცინო დაწესებულებაში საკმარისი რაოდენობის მსურველების არარსებობის გამო, ვაქცინების ნაწილი უკვე აღარ არის ვარგისი, ტემპერატურული რეჟიმის დარღვევის გამო. 

"კაქტუსისთვის" NCDC-ს მოწოდებული მონაცემების თანახმად, საქართველოში 2021 წლის 15 მარტიდან 2022 წლის 7 თებერვლის ჩათვლით, სულ 30 717 დოზა ვაქცინა დაიკარგა. 

ვაქცინების დანაკარგები არის საქართველოს ყველა რეგიონში.

დანაკარგების გეოგრაფიული გადანაწილება ასეთია:

♦ თბილისი  →  13 906

♦ აჭარა  → 2 902

♦ გურია  → 1 713

♦ იმერეთი  → 5 148

♦ კახეთი  → 1 973

♦ მცხეთა-მთიანეთი  → 744

♦ რაჭა-ლეჩხუმი და ქვემო სვანეთი  → 322

♦ სამეგრელო და ზემო სვანეთი  → 628

♦ სამცხე-ჯავახეთი  → 849

♦ ქვემო ქართლი  → 1 686

♦ შიდა ქართლი  →  846

♦ მონაცემები განახლდება თვეში ერთხელ. ინფორმაცია განახლებულია ვაქცინაციის დაწყებიდან 2021 წლის 15 მარტიდან 2022 წლის 7 თებერვლის ჩათვლით.