COVID-19 - ჰიდროქსიქლოროქინი: კვლევა ჩინეთიდან





მეცნიერება

COVID-19 - ჰიდროქსიქლოროქინი: კვლევა ჩინეთიდან




კვლევა, რომელიც ჩინეთის პროვინცია ჟიანგის უნივერსიტეტის სამედიცინო ჟურნალში გამოქვეყნდა, ახალი კორონავირუსის სამკურნალოდ ძველი ანტიმალარიული საშუალების: ჰიდროქსიქლოროქონის უსაფრთხოებასა და ეფექტურობას იკვლევდა.  

კვლევაში მონაწილე 30 პაციენტის მაგალითზე აღმოჩნდა, რომ ჰიდროქსიქლოროქინი ახალი კორონავირუსის წინააღმდეგ ეფექტური არ არის. 

აბსტრაქტი

კვლევის მიზანი: ჰიდროქსიქლოროქინით (HCQ) მკურნალობის  ეფექტურობის და უსაფრთხოების შეფასება კორონავირუსით COVID-19 დაავადებულ პაციენტებში.

მეთოდებიკვლევაში მონაწილეობის მისაღებად, შანხაის საზოგადოებრივი ჯანდაცვის კლინიკური ცენტრიდან, მათი თანხმობის შემდეგ, COVID-19-ით დაავადებული 30 პაციენტი შეირჩა, რომელთაც მსგავსი მკურნალობა მანამდე არ ჩასტარებიათ. პაციენტები შემთხვევითი შერჩევის მეთოდით, თანაბრად [15/15] დაიყვნენ: ა) ჰიდროქსიქლოროქინისა/HCQ და ბ) საკონტროლო ჯგუფებად. 

ჰიდროქსიქლოროქინის ჯგუფის პაციენტები, 5 დღის განმავლობაში, დღეში ერთხელ, იღებდნენ 400 მილიგრამ ჰიდროქსიქლოროქინს. მათ სტანდარტული [კონვენციური] მკურნალობაც უტარდებოდათ. საკონტროლო ჯგუფის პაციენტებს კი მხოლოდ სტანდარტული მკურნალობა უტარდებოდათ. 

კვლევის მთავარ სამიზნე შედეგად განისაზღვრა მეშვიდე დღეს პაციენტის ფარენგიალურ ნაცხში ვირუსის ნუკლეიდური მჟავის უარყოფითი მაჩვენებელი. ეს კვლევა შანხაის საზოგადოებრივი ჯანდაცვის კლინიკურმა ცენტრმა დაამტკიცა და დარეგისტრირებულია ონლაინ.

შედეგები: მკურნალობის დროს, HCQ ჯგუფის ერთ პაციენტს დაავადება გაუმწვავდა.
 
მეშვიდე დღეს, HCQ ჯგუფის 13 (86.7%) და საკონტროლო ჯგუფის 14 (93.3%) პაციენტის შემთხვევაში ფარენგიალურ ნაცხში COVID-19-ის ნუკლეიდური მჟავის მაჩვენებელი უარყოფითი იყო.  

ჰოსპიტალიზაციიდან ვირუსის ნუკლეიდური მჟავის უაყოფითი მაჩვენელის მიღებამდე მედიანურ ხანგრძლივობად HCQ ჯგუფში 4 [1-9] დღე დაფიქსირდა. ეს მაჩვენებელი შედარებადი იყო საკონტროლო ჯგუფის მაჩვენებელთან [2 (1-4) დღე]. 

სხეულის ტემპერატურის ნორმალიზების მედიანურმა ხანგრძლივობამ HCQ ჯგუფის პაციენტებში ჰოსპიტალიზაციიდან 1 (0-2) დღე შეადგინა. ეს შედეგი ასევე შეესაბამება კონტროლის ჯგუფის 1 დღის (0-3) მაჩვენებელს. 

კომპიუტერული ტომოგრაფიის სურათებზე რადიოლოგიური ცვლილება აღინიშნა HCQ ჯგუფის პაციენტების 5  (33.3%) და კონტროლის ჯგუფის 7 შემთხვევაში (46.7%). ყველა მათგანს მდგომარეობა გაუუმჯობესდა მომდევნო გამოკვლევის დროს. HCQ ჯგუფის 4 (26.7%) და კონტროლის ჯგუფის 3 პაციენტის შემთხვევაში (20%)  განვითარდა გარდამავალი დიარეა და ღვიძლის ფუნქციების აშლა.

დასკვნა: COVID 19-ით დაავადებულ პაციენტთა გამოჯანმრთელების პროგნოზი დადებითია. COVID 19-ის დროს, HCQ-ს გამოყენების ეფექტურობის დასადგენად, საჭიროა უფრო მასშტაბური კვლევა. 

 

მასალა მოამზადა თაკო ფარადაშვილმა. თაკო კომუნიკაციის მენეჯერია ჰოლანდიურ სამედიცინო პროფილის კომპანიაში Bambi Medical. მანამდე, მუშაობდა ჟურნალისტად საზოგადოებრივი მაუწყებლის რადიოში, ჟურნალ „ლიბერალში“ და media.ge-ში. პერიოდულად თარგმნიდა ამერიკულ გაზეთ The New York Times-ის სტატიებს გაზეთ „24-საათისთვის.“ თაკოს ფლობს ორ სამაგისტრო ხარისხს მედიისა და კომუნიკაციების მენეჯმენტის და მედიისა და ხელოვნების კვლევის პროგრამებში. "ლინკდინის" პროფილი - Tamar Pharadashvili

 
 

ამავე თემაზე: 

► COVID-19: კვლევის ცრუ-უარყოფითი შედეგები

► COVID-19 - საქართველოში შემოტანილი ტესტერები

► რამდენად ტოქსიურია ქლოროქინი / ჰიდროქსიქლოროქინი / აზითრომიცინი?

► ანტონი ფაუჩი: COVID-19 - რა ეტაპზეა მეცნიერება, ვაქცინები და სამკურნალო საშუალებები?

► რამდენად ეფექტურია 'რემდესივირი?'

 სანამ ვაქცინები გამოცდას გადიან 

მედიაპორტალი © CACTUS-MEDIA.GE

"კაქტუსი" საქართველოსა და მსოფლიოში მიმდინარე ჯანდაცვის, გარემოს დაცვისა, მეცნიერებისა და კულტურის შესახებ მოგიყვებათ.

ვრცლად >>