რემდესივირის მცირე წარმატება COVID-19 პაციენტებში





მეცნიერება

რემდესივირის მცირე წარმატება COVID-19 პაციენტებში




კლინიკურ მონაცემებში, რომელიც სამედიცინო ჟურნალ New England Journal of Medicine-ში გუშინ გამოქვეყნდა და რომლის სპონსორი ამერიკული ფარმაცევტული კომპანია 'გილეადია', წერია, რომ მედიკამენტ "რემდესივირმა" COVID-19-ით დაავადებული პაციენტების მცირე ჯგუფში ეფექტურობა გამოავლინა. 

პაციენტების ჯგუფმა ეს მედიკამენტი მიიღო არა ორმაგი-ბრმა, პლაცებო-კონტროლირებადი კვლევის ფარგლებში,  - რომელიც მეტ მტკიცებულებას წარმოაჩენდა მისი შესაძლო ეფექტურობის შესახებ, არამედ ამერიკის წამლისა და საკვები პროდუქტების ადმინისტრაციის, F.D.A. სპეციალური პროგრამის: Compassionate Use ფარგლებში.  

კვლევის კოჰორტა მცირე იყო: მოიცავდა მხოლოდ 53 პაციენტს, როგორც ამერიკის შეერთებული შტატებიდან, ასევე მთელი მსოფლიოდან. 

პაციენტებმა რემდესივირი 10 დღის განმავლობაში მიიღეს. პირველ დღეს - 200 მგ კონცენტრაციით, ინტრავენურად. დანარჩენი ცხრა დღე - 100 მგ კონცენტრაციით. 

კვლევის ავტორებმა თქვეს, რომ 53 პაციენტის ორ მესამედს მდგომარეობა გაუუმჯობესდა, ფიტლვებისთვის ჟანგბადის მიწოდების ხარისხის თვალსაზრისით. 30-დან 17 პაციენტი, რომლებიც ხელოვნურ სასუნთ აპარატს იყვნენ მიერთებულნი, აპატარებიდან მოხსნეს.

"ზუსტი დასკვნების გამოტანა რთულია ამ მწირი მონაცემებიდან, მაგრამ ის პაციენტები, რომლებიც ჩვენს კლინიკაში გვყავდა და რომლებსაც რემდესივირი მივეცით, უკეთ გახდნენ," - უთხრა კვლევის ხელმძღვანელმა, ჯონათან გრეინმა, ვაშინგტონ პოსტს. - "დიდი იმედებით ველოდებით კონტროლიდებად კვლევებს, რომ ჩვენი ეს შედეგები მონაცემებით გამყარდეს.

53 პაციენტიდან, 68 პროცენტი გამოკეთდა, 13 პროცენტი გარდაიცვალა.  

“რემდესივირი” ამერიკულმა ფარმაცევტულმა კომპანია “გილეადმა” 2015 წელს ებოლას ვირუსის სამკურნალოდ აწარმოა. ებოლას ეპიდემიას, რომელიც აფრიკის კონტინენტზე, კონგოს დემოკრატიულ რესპუბლიკაში აფეთქდა, სიკვდილობის საშუალო მაჩვენებელი 50% ჰქონდა.  

მედიკამენტი “რემდესივირი” ნუკლეოსიდის ანალოგია, რომელიც უჯრედებში ვირუსის გამრავლებას უშლის ხელს. მას ფართო სპექტრის ანტივირუსული მოქმედება აქვს ისეთი პათოგენების მკურნალობის დროსაც, როგორებიცაა მარბურგის ვირუსი, SARS და MERS. 

ახალი კორონავირუსის წინააღმდეგ პოტენციურად წარმატებული მედიკამენტის მოლოდინში, ფარმაცევტული კომპანიის სააქციო კაპიტალის ღირებულება საერთაშორისო საფონდო ბირჟებზე მნიშვნელოვნად გაიზარდა.

 

მიმდინარე კვლევები: ახალი კორონავირუსი + რემდესივირი

ამჟამად ამერიკის შეერთებული შტატების კლინიკური კვლევების ოფიციალურ ვებ-გვერდზე რემდესივირზე ექვსი მიმდინარე კვლევაა დარეგისტრირებული. კვლევები მიმდინარეობს ამერიკის კონტინენტზე, ჩინეთში, სინგაპურსა და სამხრეთ კორეაში. 

ყველა მათგანი კვლევის მესამე [ბოლო] ფაზაშია და თითოეული მიმდინარე წლის მაისში ან ოდნავ ადრე უნდა დამთავრდეს. ამ ეტაპზე სტატისტიკური მონაცემები მედიკამენტის ეფექტურობაზე არც ერთ მიმდინარე კვლევას არ აქვს თანდართული. 

  1. Study to Evaluate the Safety and Antiviral Activity of Remdesivir (GS-5734™) in Participants With Severe Coronavirus Disease (COVID-19); ლოკაციები: ამერიკის შეერთებული შტატები; სამხრეთი კორეის რესპუბლიკა, ჰონ-კონგი და სინგაპური; მესამე ფაზა; რენდომიზებული; 400 მონაწილით; ასაკი: 18 წელი და ზემოთ; ორივე სქესი; დასრულების თარიღი: 20 მაისი, 2020 წელი;

  2. Study to Evaluate the Safety and Antiviral Activity of Remdesivir (GS-5734™) in Participants With Moderate Coronavirus Disease (COVID-19) Compared to Standard of Care Treatment; ლოკაციები: ამერიკის შეერთებული შტატები; სამხრეთი კორეის რესპუბლიკა, ჰონ-კონგი და სინგაპური; რენდომიზებული; მესამე ფაზა; 600 მონაწილით; მონაწილეების ასაკი: 18 წელი და ზემოთ; ორივე სქესი; დასრულების თარიღი: 20 მაისი, 2020 წელი; სპონსორი: ფარმაცევტული კომპანია “გილეადი”

  3. Mild/Moderate 2019-nCoV Remdesivir RCT; ლოკაცია: ჩინეთი, ჰუბეის პროვინცია, რენდომიზებული; მესამე ფაზა; 308 მონაწილით; ასაკი: >18; სპონსორები: Capital Medical University და Chinese Academy of Medical Sciences; დასრულების სავარაუდო დრო: 10 აპრილი, 2020 წელი; 

  4. Severe 2019-nCoV Remdesivir RCTლოკაცია: პეკინი, ჩინეთი; მესამე ფაზა; რენდომიზებული; 453 მონაწილით; ასაკი: 18 წელს ზემოთ; ორივე სქესი; კვლევის სპონსორი: Capital Medical University; დასრულების სავარაუდო დრო: 3 აპრილი, 2020 წელი; 

  5. Adaptive COVID-19 Treatment Trial; ლოკაციები: ამერიკის ცხრა შტატი [კალიფორნია, ჯორჯია, მერილენდი, მინესოტა, მისური, ნებრასკა, ნიუ-იორკი, ტეხასი, ვაშინგტონი]; სამხრეთ კორეის რესპუბლიკა, სინგაპური; რენდომიზებული; მესამე ფაზა;  394 მონაწილით; ასაკი: 18-99; ორივე სქესი; სპონსორი: National Institute of Allergy and Infectious Diseases (NIAID); 

  6. Expanded Access Remdesivir [RDV; GS-5734™]; ლოკაცია: ამერიკის შეერთებული შტატები;  ასაკი: ბავშვი, მოზრდილები, ხანდაზმულები; სპონსორი: U.S. Army Medical Research and Development Command. დასრულების დრო და სხვა დეტალები არ არის მითითებული.  

 

რა ეღირება “რემდესივირი”?

“ვაშინგტონ პოსტის” ჟურნალისტი, ქრისტოფერ როულენდი შეეცადა გაეგო, თუ რა ეღირება ამერიკის ბაზარზე “რემდესივირი”, თუკი მას მარეგულირებელი  ახალი კორონავირუსის სამკურნალოდ დაუშვებს.   

 “ამ ეტაპზე [ფასზე მეტად], რემდესივირის კლინიკური პოტენციალის ძიებაზე ვართ კონცენტრირებულნი და გვინდა, ჩვენი წვლილი შევიტანოთ ამ ვირუსთან ბრძოლაში,” - უპასუხა “გილეადის” წარმომადგენელმა “ვაშინგტონ პოსტს.

 

ამავე თემაზე: 

► რამდენად ეფექტურია 'რემდესივირი?'

►  კვლევა ჩინეთიდან: ჰიდროქსიქლოროქინი არ მუშაობს

► COVID-19: კვლევის ცრუ-უარყოფითი შედეგები

► COVID-19 - საქართველოში შემოტანილი ტესტერები

► რამდენად ტოქსიურია ქლოროქინი / ჰიდროქსიქლოროქინი / აზითრომიცინი?

► ანტონი ფაუჩი: COVID-19 - რა ეტაპზეა მეცნიერება, ვაქცინები და სამკურნალო საშუალებები?

 სანამ ვაქცინები გამოცდას გადიან 

მედიაპორტალი © CACTUS-MEDIA.GE

"კაქტუსი" საქართველოსა და მსოფლიოში მიმდინარე ჯანდაცვის, გარემოს დაცვისა, მეცნიერებისა და კულტურის შესახებ მოგიყვებათ.

ვრცლად >>