♦ ეს მონაცემები ამერიკულ სამედიცინო სამეცნიერო ჟურნალ JAMA Network-ში, 22 პარილს, გამოქვეყნდა - Alterations in Smell or Taste in Mildly Symptomatic Outpatients With SARS-CoV-2 Infection ♦

Ახალი Კორონავირუსი COVID-19 სიმპტომების სხვადასხვა სპექტრით ვლინდება. მის ძირითად სიმპტომებად აღინიშნება სიცხე, დაღლილობის შეგრძნება, მშრალი ხველა, კუნთების ტკივილი და სუნთქვის უკმარისობა. აქამდე ცნობილ, სხვა კორონავირუსებზე დაკვირვების შედეგად დადგინდა, რომ  ვირუსი ცენტრალურ ნერვულ სისტემაში ოლფაქტორული [ყნოსვითი] ნეიროეპითელიუმის გზით  იჭრება  და ყნოსვის ბოლქვში მრავლდება.   

SARS-COV-2-ის რეცეპტორის ყველაზე  მაღალი კონცენტრაცია რესპირაციულ ტრაქტში ვლინდება; უფრო კონკრეტულად კი ანგიოტენზინის გარდამქმნელი ფერმენტი 2 მთელს რესპირაციულ განშტოებაშია გავრცელებული. 

ყნოსვის ბოლქვი თავის ტვინის ქერქის შუბლის წილის ქვემოთ არის განლაგებული. ყნოსვის რეცეპტორების აქსონები ორგანიზებული ყნოსვის სისტემაა, სადაც ზედა სასუნთქი გზების საშუალებით სუნ[ებ]ის შესახებ შესული ინფორმაცია გადამუშავდება.  როდესაც ვირუსი ბოლქვში ვრცელდება, ინფორმაციის ინტერპრეტირების ხარისხი ეცემა და ადამიანი სუნისა და გემოს სიმახვილის დაცემას უჩივის. გამოსახულება © ენციკლოპედია ბრიტანიკა 

ანოსმიის, ანუ ყნოსვის დაკარგვის თაობაზე არსებული ცნობების მიუხედავად, ჩვენთვის ცნობილ, მხოლოდ ერთ კვლევაში არის გაანალიზებული COVID-19-ით ჰოსპიტალიზებულ პაციენტებში ყნოსვის და გემოს დაკარგვის შემთხვევები. ამ კვლევის მიხედვით, ყნოსვისა და გემოს დაკარგვა, საერთო ჯამში, პაციენტების 34%-ში გამოვლინდა, თუმცა, არ არსებობს ზუსტი მონაცემები, თუ რა დროს ვლინდება ის ვირუსის სხვა სიმპტომებთან მიმართებაში.

ეს კვლევა აფასებს ყნოსვის და გემოს გრძნობის დაკარგვის სიხშირეს, ინტენსივობას და გამოვლენის დროს COVID-19 ით ინფიცირებულებში.

მეთოდები

კვლევა დამტკიცდა ტრევიზოსა და ბელუნოს პროვინციების ეთიკის კომიტეტის მიერ.  სატელეფონო ინტერვიუებისთვის სიტყვიერი თანხმობა მივიღეთ. Საკვლევად, 2020 წლის 19-22 მარტის პერიოდში, ტრევიზოს რეგიონალურ ჰოსპიტალში, ზრდასრული ადამიანების მდგომარეობა თანმიმდევრულად შეფასდა. კვლევაში მონაწილეობის მისაღებად ის პაციენტები შეირჩნენ, რომლებსაც,  ჯანდაცვის მსოფლიო ორგანიზაციის რეკომენდაციის მიხედვით, აღებულ ცხვირის და ყელის ნაცხებში პოლიმერაზული ჯაჭვური რეაქციის, PCR მეთოდით ჩატარებული ანალიზით  COVID-19-ის რიბონუკლეინის მჟავის [RNA] არსებობა დაუდასტურდათ. ვირუსის სახლის პირობებში მართვის გამო, ამ პაციენტებს მსუბუქი სიმპტომებიც უნდა ჰქონოდათ.

 პაციენტებს ნაცხის აღებიდან 5-6 დღეში დავუკავშირდით - შევაგროვეთ დემოგრაფიული მონაცემები და  მწვავე რესპირატორული ტრაქტის ინფექციის კითხვარი შევავსებინეთ [სიმპტომების მაჩვენებლები შემდეგნაირად შეფასდა - არანაირი სიმპტომი უდრიდა 0-ს. მცირედი -1-ს და ძლიერი 2-ს].  სატელეფონო ინტერვიუს დროს ვკითხეთ - ნაცხის აღებამდე 2 კვირით ადრე სუნი ან გემო უეცრად თუ დაკარგეს. ნაცხის აღება ხდებოდა სინონაზალური ტესტი 22-ით [SNOT22]. 

SNOT22 ტესტი სიმპტომების სიმწვავეს შემდეგნაირად აფასებს - არარსებული - 0, ძალიან მსუბუქი - 1, მსუბუქი ან სულ მცირე  - 2, საშუალო - 3, მწვავე - 4 ან უკიდურესად მწვავე - 5. სიმპტომების გავრცელება პაციენტების საერთო რაოდენობის პროცენტულობაზე  გადანაწილდა.

კლოპერ-პირსონის მეთოდით, კვლევის ნდობის ინტერვალის 95% გამოვთვალეთ. სიმპტომების გავრცელების კოეფიციენტი შევადარეთ ფიშერის სიზუსტის ტესტით. P-ს მნიშვნელობა <.05 [ორმხრივი] მივიჩნიეთ სტატისტიკურად მნიშვნელოვნად.  სტატისტიკური ანალიზი R 3.6 ვერსიის გამოყენებით ჩავატარეთ.