F.D.A.-მ Moderna-ს ვაქცინა საგანგებოდ დაუშვა





მეცნიერება

F.D.A.-მ Moderna-ს ვაქცინა საგანგებოდ დაუშვა




18 დეკემბერს ამერიკის წამლისა და სურსათის ადმინიტრაციამ [F.D.A.]  კომპანია Moderna-ს ვაქცინა  საგანგებოდ დაუშვა.

Moderna-ს ვაქცინა მეორეა, რომელიც ფედერალურმა მარეგულირებელმა შტატების მასშტაბით დაუშვა, Pfizer-ისა და BioNTech-ის ვაქცინის შემდეგ, რომელიც ერთი კვირის წინ, იმავე რეჟიმით, დაიშვა. 

ამ დაშვების ფარგლებში ვაქცინა ამერიკის შეერთებული შტატების ფარგლებში გავრცელდება და ის 16 წლის ასაკისა და უფროსი ასაკის მოქალაქეებისთვის გახდება ხელმისაწვდომი.

ამ დაშვების მიუხედავად, ამ ვაქცინაზე კლინიკური კვლევები გრძელდება. 

Moderna-ს COVID-19-ის ვაქცინა მესენჯერ რნმ-ს - რიბონუკლეინის მჟავას შეიცავს, რომელიც SARS-CoV-2-ის გენეტიკური მასალაა. ამ ვაქცინის მიღების შემდეგ, ადამიანის ორგანიზმში ახალი კორონავირუსის ცილების კოპირება ხდება, რომელიც დაავადებას არ იწვევს, მაგრამ ადამიანის იმუნიტეტს ასწავლის, როგორ წამორქმნას დამცავი მექანიზმები, თუ რეალურად შეხვდება აქტიური ახალი კორონავირუსი. 

 

ინფორმაცია Moderna-ს ვაქცინაზე 

კატეგორია: მესამე ფაზა, საგანგებო დაშვება [Emergency Use Authorization, EUA] ა.შ.შ.-ში 

ტიპი: გენეტიკური

შემქმნელები: ამერიკული კომპანია Moderna, ამერიკის ჯანმრთელობის ეროვნული ინსტიტუტი/National Institutes of Health, NIH 

ვაქცინის სახელი:  mRNA-1273

ეფექტურობა94.5%

დოზირება: 2 დოზა, 4 კვირის შუალედით

მიღების გზაინექცია კუნთებში 

შენახვის წესები: 30 დღე მაცივარში, ხოლო 6 თვე –20°C [–4°F ]
 

  • Moderna ქმნის ისეთ ვაქცინებს, რომლებიც ადამიანის ორგანიზმში ვირუსის ცილების წარმოსაქმნელად ვირუსის რიბონუკლეინის მჟავის [რნმ] ინფორმაციას იყენებენ. მათ სხვანაირად RNA [mRNA] მესენჯერებს/გადამტანებსაც ეძახიან.
  • 2020 წლის იანვარში Moderna-მ კორონავირუსის ვაქცინაზე მუშაობა დაიწყო და მისი ამ მცდელობის დასაფინანსებლად ამერიკის მთავრობამ 1 მილიარდი დოლარი გაიღო.  ამერიკის ჯანმრთელობის ეროვნულ ინსტიტუტთან პარტნიორობის შედეგად, Moderna-მ აღმოაჩინა, რომ ვაქცინა მაიმუნებს ვირუსისგან იცავს. მარტში Moderna-მ კოვიდ-19-ის საწინააღმდეგო პირველი ვაქცინის ადამიანზე ცდა დაიწყო, რამაც იმედისმომცემი შედეგი გამოიღო. ვაქცინამ განვითარების მესამე ფაზას მიაღწია, რომელიც 27 ივლისს დაიწყო. ვაქცინის ფინალურ კვლევაში ამერიკის შეერთებული შტატების მასშტაბით, 89 ცენტრში, 20 ათასი ჯანმრთელი ადამიანი ჩაერთვება. 11 აგვისტოს  აშშ-ს მთავრობამ  კომპანიას დამატებითი 1,5 მილიარდი გადაურიცხა ვაქცინის 100 მილიონი დოზის საწარმოებლად იმ  შემთხვევაში, თუ ის უსაფრთხო და ეფექტური იქნება. სექტემბერში კანადამ მიაღწია კომპანიასთან შეთანხმებას 20 მილიონი დოზა ვაქცინის შესყიდვის თაობაზე.
  • ივლისში Moderna-მ საპატენტო დავა წააგო, რაც მისი ვაქცინის გამოგონების ტექნოლოგიურ ნაწილს ეხებოდა. მომდევნო თვეში, კომპანიამ განაცხადა, რომ ის  დარწმუნებული არაა, რომ პატენტში მითითებული ზოგი ტექნოლოგიის  პირველი, ორიგინალური გამომგონებელია. ამ ტექნოლოგიებს შორისაა კორონავირუსის ვაქცინის ტექნოლოგიები.
  • 17 სექტემბერს Moderna-მ  პროტოკოლი გამოაქვეყნა.  ისინი გეგმავენ დაიცადონ მანამ, სანამ  მოხალისეების მნიშვნელოვანი ნაწილი გახდება კოვიდ-19-ით ავად და შემდეგ დააკვირდნენ, თუ  რამდენი მათგანი იყო ვაქცინირებული იმის დასადგენად, რამდენი მათგანი დაიცვა ვაქცინამ. საჭირო მონაცემების და მოხალისეების მისაღებად, შესაძლოა, 2020 წლის ბოლომდე ან 2021 წლის დასაწყისამდე მოცდა გახდეს საჭირო. 
  • 16 ნოემბერს მოდერნამ გამოაცხადა, პირველადი მონაცემების მიხედვით, მათი ვაქცინის ეფექტურობა 94.5 პროცენტია. 95 მონაწილიდან, რომლებსაც Covid-19 შეხვდათ, 90 პლაცებო მისცეს და მხოლოდ ხუთს - ვაქცინა. მეორე დამაიმედებელი შედეგი ის არის, რომ ეს ვაქცინა ადამიანებს დაავადების მწვავე ფორმისგან იცავს. ვაქცინის კლინიკური კვლევა გრძელდება, მეტი მონაცემების მისაღებად. მოდერნა ამბობს, რომ ის აპირებს მარეგულირებელს - F.D.A.-ს საგანგებო დაშვებისთვის [Emergency Use Authorization, EUA] მომავალი კვირების განმავლობაში მიმართოს. 
  • 30 ნოემბერს "მოდერნამ" გამოაცხადა, რომ კომპანია F.D.A.-ს საგანგებო რეჟიმში დაშვებისთვის [Emergency Use Authorization, EUA] მიმართავს, - ერთ წელზე ნაკლებ დროში, ვიდრე ვაქცინის კლინიკური გამოცდა დაიწყო. ეს მეორე მოთხოვნაა საგანგებო დაშვებაზე, Pfizer-ისა და BioNTech-ის შემდეგ. თუ "მოდერნას" ვაქცინას F.D.A. საგანგებოდ დაუშვებს, მისი სახალხო გამოყენება 21 დეკემბერს დაიწყება.
  • 2 დეკემბერს, Moderna-მ დაარეგისტრირა კლინიკური კვლევა, რომლის ფარგლებში 12-18 წლის მოზარდებში ჩაატარებენ ვაქცინაციას. 
  • 18 დეკემბერს F.D.A.-მ ეს ვაქცინა საგანგებო რეჟიმში დაუშვა. 

 

ამავე თემაზე:
 
♦ F.D.A.-ს ვაქცინებისა და ბიოლოგიური პროდუქტების საკონსულტაციო კომიტეტის მსჯელობა და ხმის მიცემა Moderna-ს ვაქცინისთვის 
 
მედიაპორტალი © CACTUS-MEDIA.GE

"კაქტუსი" საქართველოსა და მსოფლიოში მიმდინარე ჯანდაცვის, გარემოს დაცვისა, მეცნიერებისა და კულტურის შესახებ მოგიყვებათ.

ვრცლად >>