ამერიკის სურსათისა და წამლის ადმინისტრაციამ [F.D.A.] 21 დეკემბერს ებანგა [Ebanga (Ansuvimab-zykl)] დაამტკიცა, - მონოკლონური ანტისხეული, მოზრდილებსა და ბავშვებში ზაირის ებოლავირუსის [Zaire ebolavirus] წინააღმდეგ. 

მედიკამენტი ებანგა ვირუსის "მიმღებ" რეცეპტორს ბლოკავს და ადამიანის უჯრედებში ვირუსის შეჭრას უშლის ხელს. 

ზაირის ებოლავირუსი ებოლავირუსების სახეობებიდან ერთ-ერთია, რომელიც ადამიანისთვის სასიკვდილო დაავადებას იწვევს. ის დაინფიცირებული ადამიანის ან ცხოველის სისხლის, სხვა ბიოლოგიური სითხეების ან ქსოვილებიდან გადაეცემა, ასევე ისეთი ზედაპირებიდან, როგორებიცაა საწოლი ან ტანსაცმელი. 

კონგოს დემოკრატიულ რესპუბლიკაში 2018-2019 წლებში ებოლას აფეთქების დროს, ებანგას მოქმედება კლინიკური კვლევის [the PALM trial] ფარგლებში შეფასდა. The PALM კლინიკური კვლევა ამერიკის შეერთებული შტატების ჯანმრთელობის ეროვნული ინსტიტუტისა და კონგოს დემოკრატიული რესპუბლიკის ბიომედიცინის კვლევის ინსტიტუტის, ასევე რამდენიმე საერთაშირისო ორგანიზაციისა და სააგენტოს ჩართულობით ჩატარდა. 

The PALM კლინიკური კვლევის ფარგლებში, ებანგას უსაფრთხოება და ეფექტურობა მულტი-ცენტრული, ღია, რენდომოზებული კვლევის ფარგლებში შემოწმდა.

კვლევაში მონაწილეობა 342-მა პაციენტმა მიიღო. ყველა მათგანს ზაირის ებოლავირუსი დამტკიცებული ჰქონდა ლაბორატორიული კვლევით. 342 პაციენტი ორ ჯგუფად გაყვეს: ებანგასა და საკონტროლო მედიკამენტის ჯგუფებად. 

მათგან 174 პაციენტმა [120 მოზრდილი და 54 ბავშვი] მიიღო ებანგა ინტრავენურად, როგორც ერთჯერადი ინექცია, დოზით 50 მგ/კგ-ზე, ხოლო საკონტროლო ჯგუფმა, რომელშიც 168 პაციენტი შედიოდა [135 მოზრდილი და 33 ბავშვი] - სხვა მედიკამენტები. 

ებანგას კლინიკური წარმატების მთავარი საზომი/გამოსავალი იყო  გარდაცვალების 28-ე დღის, როგორც ნიშნულის, შემცირება, ანუ პაციენტის სიცოცხლის გახანგრძლივება. 

174 პაციენტთაგან, რომლებმაც ებანგა მიიღეს, 35.1 % 28 დღის შემდეგ გარდაიცვალა, ხოლო საკონტროლო ჯგუფის 168 პაციენტიდან  49.4% -  28 დღის განმავლობაში. პაციენტებისთვის სიცოცხლის გახანგრძლივებით გაზომეს ებანგას ეფექტურობა.

ებანგას მიღების დროს ყველაზე გავრცელებული გვერდითი მოვლენებია: ცხელება, ტაქიკარდია [გულისცემის აჩქარება], დიარეა, გულისრევა, ჰიპერტენზა [სისხლის დაბალი წნევა] და მსგავსი სიმტპომები; თუმცა, ესენი ჩვეულებრივი სიმპტომებია ებოლავირუსის ინფექციის მიმდინარეიობის დროს.  

პაციენტები, რომლებიც ებანგას იღებენ, უნდა მოერიდონ ებოლას საწინააღმდეგო ვაქცინის მიღებას, მედიკამენტთან ერთად. შესაძლოა, ებანგამ ცოცხალი ვაქცინის მოქმედების ეფექტურობა შეასუსტოს. 

ებანგას გამოყენების ნებართვა იშვიათი დაავადებების საწინააღმდეგო მედიკამენტების დაშვების ფარგლებში [Orphan Drug designation] გაიცა.  მედიკამენტის წარმოების უფლება კომპანია Ridgeback Biotherapeutics, LP-მ მიიღო.