მეცნიერება

დუბაიში ჩინური ვაქცინა “სინოფარმის” მესამე დოზაც გახდა საჭირო




დუბაი - არაბთა გაერთიანებულ საემიროებში მოქალაქეების ნაწილი, რომლებმაც ახალი კორონავირუსის ჩინური კომპანია “სინოფარმის” წარმოების ვაქცინები მიიღეს, მესამე დოზის გასაკეთებლადაც დაიბარეს, რადგან ამ ვაქცინამ საკმარისი იმუნური პასუხი არ გამოიწვია/აჩვენა, რომელიც მწარმოებელმა კომპანიამაც აღიარა. 

უალიდ ზაჰერმა, G42 Healthcare-ის მთავარმა მკვლევარმა, “სინოფარმის” ვაქცინის დისტრიბუტორმა არაბთა გაერთიანებულ საემიროებში, Dubai Eye radio-ს უთხრა, რომ ახალი კვლევაც მიმდინარეობდა, რომლის ფარგლებშიც მოქალაქეებს მესამე დოზას უკეთებდნენ და მის შედეგებს იკვლევდნენ.

“როცა ადამიანებს არ ჰქონდათ არანაირი რეაქცია ვაქცინაზე, გადავწყვიტეთ, “სინოფარმის” ვაქცინის მესამე დოზა მიგვეცა მათთვის, რამაც, გარკვეულწილად გააუმჯობესა მათი იმუნური პასუხი,”- უთხრა მან "ვაშინგტონ პოსტს".

მისივე თქმით, ნებისმიერ მოქალაქეს, რომელსაც, ტესტირების შემდეგ, ანტისხეულების დაბალი დონე აღმოაჩნდება, შეუძლია მიმართოს ექიმს და კიდევ ერთი დოზის მიღების შესახებ შეხვედრა დანიშნოს. თუმცა, მისივე თქმით, ამ შემთხვევაში პირიქით ხდება: მოქალაქეს იქით უკავშირდებოდნენ კვლევის ავტორები და მესამე დოზას სთავაზობენ.

უალიდ ზაჰერის თქმით, მესამე დოზის საჭიროების მქონე ადამიანები”ძალიან ცოტანი არიან.” 

მესამე ზოდის საჭიროების შესახებ პირველად 10 მარტს იქნა ნახსენები, ჯანდაცვის სექტორის სპიკერის, ფარიდა ალ-ჰოსანის მხრიდან, რომელმაც გამოცემა The National-ს მისცა ინტერვიუ.

ექიმების ნაწილმა Wall Street Journal-ის მისცეს ინტერვიუ და უთხრეს, რომ იყო რამდენიმე შემთხვევა, როდესაც “სინოფარმის” ვაქცინის მიღების შემდეგ მოქალაქეებს საერთოდ არ გაუჩნდათ ანტისხეულები.

სწორედ ასეთი სახის ინფორმაციის შემდეგ, ჩნდება ეჭვები ამ ვაქცინის ეფექტურობაზე, რომელიც უკვე მსოფლიოს ძალიან ბევრ ქვეყანაში გამოიყენება. 

მწარმოებლების განცხადებით, “სინოფარმის” ვაქცინის ეფექტურობის დონე 79 პროცენტია, თუმცა, მონაცემები ამის შესახებ არასოდეს გამოქვეყნებულა: ეს თვითგამოცხადებული ეფექტურობაა.  

არაბთა გაერთიანებული საემიროების გარდა, “სინოფარმის” ვაქცინა იყიდა ეგვიპტემ, კამბოჯამ, სენეგალმა და პერუმ. 

 

 

ინფორმაცია "სინოფარმის" ვაქცინის შესახებ

 

კატეგორიამესამე ფაზა, დამტკიცებულია შეზღუდული მოხმარებისთვის

შექმნელებივუჰანის ბიოლოგიური პროდუქტების ინსტიტუტი და ჩინური ფარმაცევტული, მთავრობის მფლობელობაში არსებული  კომპანია Sinopharm 

ვაქცინის სახელიBBIBP-CorV

გამოცხადებული ეფექტურობა [გამოქვეყნებული მონაცემების გარეშე]79.34%

დოზები: 2 დოზა, 3 კვირის გამოშვებით

შეყვანის გზები: ინექცია კუნთებში

ვუჰანის ბიოლოგიური პროდუქტების მწარმოებელმა ინსტიტუტმა გაუვნებელყოფილი ახალი კორონავირუსის შემცველი ვაქცინის დიზაინი განავითარა, რომლის კლინიკური გამოცდა მთავრობის მფლობელობაში არსებულმა ფარმაცევტულმა კომპანია სინოფარმამ/Sinopharm დაიწყო. პირველი და მეორე,  გაერთიანებული ფაზების კლინიკურმა კვლევებმა აჩვენა, რომ მოხალისეების ნაწილში ამ ვაქცინამ ანტისხეულები  გამოიმუშავა, ზოგს გვერდითი მოვლენებიც ჰქონდა, ცხელებისა და სხვა მოვლენების სახით. კლინიკური კვლევების მესამე ფაზა ივლისში დაიწყეს არაბთა გაერთიანებულ საემიროებშიც, მომავალ თვეს კი - პერუსა და მაროკოში. ზაფხულის განმავლობაში კი კომპანიამ განაცხადა, რომ მთავრობის ნებართვა მიიღო, რომ ეს ექსპერიმენტული ვაქცინა ასობით ათასი ადამიანისთვის შეეყვანა, ხოლო 14 სექტემბერს, არაბთა გაერთიანებული საემიეროების მთავრობამ ეს ვაქცინა საგანგებოდ დაუშვა ჯანდაცვის მუშაკებისთვის. 

30 დეკემბერს ჩინეთმა ეს ვაქცინა დაამტკიცა. 

უნგრეთი ევროკავშირის პირველი წევრი ქვეყანა გახდა, რომელმაც 2020 წლის 30 იანვარს ეს ვაქცინა ეროვნულად დაამტკიცა. 

ჩინეთის მთავრობამ ეს ვაქცინა საგანგებო დაშვებით 2020 წლის ზაფხულში დაუშვა.  მთავრობის წარმომადგენლებმა და მოქალაქეების ნაწილმა მიიღო ეს ვაქცინა.

"სინოფარმმა" კომენტარის გარეშე დატოვა არაბთა გაერთიანებული საემიროს განცადება იმასთან დაკავშირებით, რომ ამ ვაქცინის ეფექტურობა 86 პროცენტი იყო, რომელიც განსხვავებული იყო ჩინეთის მიერ გამოცხადებული მონაცემისგან. როდესაც კომპანიის წარმომადგენელს ჰკითხეს ამ საკითხზე მოსაზრება, მან განაცხადა, რომ ორივე მონაცემი "რეალური და ვალიდური იყო." მისი თქმით, განსხვავება გამოწვეული იყო იმით, რომ კლინიკური კვლევები სხვადასხვა დიზაინით ჩატარდა და მონაცემები არ იყო შედარებადი. 

2021 წლის თებერვალში, როდესაც ახალი კორონავირუსის სხვადასხვა მუტაციები გამოჩნდა, ჩინელმა მეცნიერებმა ეს ვაქცინა ერთ-ერთი მუტაციის წინააღმდეგაც გასინჯეს, რომელის სახელია B.1.351, რომელიც სამხრეთ აფრიკაში გამოჩნდა და გახდა დომინანტური.  

მათი თქმით, ამ ვარიანტის მიმართ ვაქცინა შედარებით სუსტი იყო, ვიდრე სხვა ვარიანტების წინააღმდეგ. ამ კვლევას peer review არ გაუვლია და მხოლოდ პრე-პრინტების სამედიცინო პლატფორმა bioRxiv-ზე გამოქვეყნდა.
 

 

ამავე თემაზე:

ახალი კორონავირუსის ვაქცინების ცნობარი 

მედიაპორტალი © CACTUS-MEDIA.GE

"კაქტუსი" საქართველოსა და მსოფლიოში მიმდინარე ჯანდაცვის, გარემოს დაცვისა, მეცნიერებისა და კულტურის შესახებ მოგიყვებათ.

ვრცლად >>