COVID-19 ვაქცინების დანაკარგები საქართველოში - სტატისტიკა





Data

COVID-19 ვაქცინების დანაკარგები საქართველოში - სტატისტიკა




საქართველოში ახალი კორონავირუსის ვაქცინაციის პროცესი 15 მარტს დაიწყო. პირველ სამ დღეში ასეულობით საქართველოს მოქალაქე იცრებოდა. ახალციხელი მედდის გარდაცვალების შემდეგ, ვაქცინაციის მსურველთა რაოდენობამ მკვეთრად იკლო - დღეში მხოლოდ რამდენიმე ათეული ან ასეული ადამიანი იცრებოდა.  

ბოლო ოთხი დღის განმავლობაში იმატებს ვაქცინირებულთა რაოდენობა: აცრილთა დღიური რაოდენობა ათასზე მეტია, მაგრამ ჯერ არ აღწევს რამდენიმე ათასს, რაც, პასუხისმგებელი პირების განცხადებით, აუცილებელია, რომ ქვეყანამ წლის ბოლოსთვის მოსახლეობის 60% აცრას, საზოგადოებრივი იმუნიტეტის მისაღწევად.

 

ვაქცინების დანაკარგები

საქართველოში არის ახალი კორონავირუსის ვაქცინების დოზების დანაკარგები. ვაქცინა მაშინ იკარგება, როდესაც ერთი ფლაკონი იხსნება, მაგრამ საკმარისი რაოდენობის მსურველების არარსებობის გამო, ვაქცინების ნაწილი უკვე აღარ არის გამოსადეგი. 

ერთ ფლაკონში 10 დოზა ვაქცინაა. ყველა მათგანი გახსნიდან 6 საათში უნდა დაიხარჯოს. 

ვაქცინების დანაკარგები არის როგორც Pfizer-ის, ასევე AstraZeneca-ს ვაქცინების შემთხვევაში. საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს [NCDC] სტატისტიკა აქვს ორივე ვაქცინის შესახებ ჯამურად და არა ცალ-ცალკე.

"კაქტუსისთვის" NCDC-ს მოწოდებული მონაცემების თანახმად, საქართველოში 15 მარტიდან 27 აპრილის ჩათვლით, სულ 748 დოზა ვაქცინა დაიკარგა.

 

დანაკარგების გეოგრაფიული გადანაწილება ასეთია:

♦ თბილისი   423

♦ აჭარა   66

♦ გურია   39

♦ იმერეთი   74

♦ კახეთი   22

♦ მცხეთა-მთიანეთი   46

♦ რაჭა-ლეჩხუმი და ქვემო სვანეთი  → 6 

♦ სამეგრელო და ზემო სვანეთი   4

♦ სამცხე-ჯავახეთი   11

♦ ქვემო ქართლი  → 29 

♦ შიდა ქართლი  → 28 

 

მონაცემები განახლდება ორ კვირაში ერთხელ

მედიაპორტალი © CACTUS-MEDIA.GE

"კაქტუსი" საქართველოსა და მსოფლიოში მიმდინარე ჯანდაცვის, გარემოს დაცვისა, მეცნიერებისა და კულტურის შესახებ მოგიყვებათ.

ვრცლად >>