მეცნიერება

ყველაფერი ჩინური სინოფარმის ვაქცინის შესახებ




კორონავირუსის გაუვნებელყოფილი ან დასუსტებული [ატენუირებული] ვაქცინები

ვაქცინების ეს დიზაინი გაუვნებელყოფილი ან ქიმიური ნივთიერებებით განადგურებული ახალი კორონავირუსის ფრაგმენტებისგან შედგება

 გრაფიკა © The New York Times 

 
ვაქცინის სახელი: BBIBP-CorV
ვაქცინის ტიპი: ატენუირებული
ეფექტურობა: 79.34%
დოზები: 2 დოზა, 3 კვირის გამოშვებით
მიღება: ინექცია კუნთებში
შემქმნელები: პეკინის ბიოლოგიური პროდუქტებს ინსტიტუტი და ჩინური სახელმწიფო კომპანია "სინოფარმი"
დამტიცებულია შემდეგ ქვეყნებში: ბაჰრეინი, ჩინეთი და არაბთა გაერთიანებული საემიროები
საგანგებო რეჟიმში დამტკიცებულია შემდეგ ქვეყნებში: არგენტინა, ბრუნეი, კამბოჯა, ეგვიპტე, გაბონი, გაიანა, უნგრეთი, ირანი, ერაყი, იორდანია, მალდივები, ნამიბია, ნეპალი, პაკისტანი, პერუ, ვენესუელა და ზიმბაბვე.
 
 
პეკინის ბიოლოგიური პროდუქტების ინსტიტუტმა გაუვნებელყოფილი ახალი კორონავირუსის შემცველი ვაქცინის დიზაინი განავითარა, რომლის კლინიკური გამოცდა მთავრობის მფლობელობაში არსებულმა ფარმაცევტულმა კომპანია სინოფარმმა/Sinopharm დაიწყო.  
 
გასული წლის აგვიტოს დასაწყისში პეკინის ბიოლოგიური პროდუქტების ინსტიტუტმა ჟურნალ Cell-ში გამოაქვეყნა სტატია, სადაც ნათქვამი იყო, რომ ამ ვაქცინამ ანტისხეულები გამოუმუშავა მაიმუნებს.
 
პირველი და მეორე, კომბინირებული ფაზების შედეგებმა აჩვენა, რომ ვაქცინას არ ჰქონდა მწვავე გვერდითი მოვლენები და ადამიანებში ანტისხეულებს გამოიმუშავებდა. ეს მონაცემები სამედიცინო ჟურნალ "ლანცეტში" გამოქვეყნდა გასული წლის 15 ოქტომბერს.
 
პირველი და მეორე, გაერთიანებული ფაზების კლინიკურმა კვლევებმა, რომელიც ჟურნალ JAMA-ში გამოქვეყნდა, აჩვენა, რომ მოხალისეების ნაწილში ამ ვაქცინამ ანტისხეულები  გამოიმუშავა, ზოგს გვერდითი მოვლენებიც ჰქონდა, ცხელებისა და სხვა მოვლენების სახით. კლინიკური კვლევების მესამე ფაზა ივლისში დაიწყეს არაბთა გაერთიანებულ საემიროებშიც, მომავალ თვეს კი - პერუსა და მაროკოში.

2020 წლის ზაფხულის განმავლობაში კომპანიამ განაცხადა, რომ მთავრობის ნებართვა მიიღო, რომ ეს ექსპერიმენტული ვაქცინა ასობით ათასი ადამიანისთვის შეეყვანა, ხოლო 14 სექტემბერს, არაბთა გაერთიანებული საემიეროების მთავრობამ ეს ვაქცინა საგანგებოდ დაუშვა ჯანდაცვის მუშაკებისთვის. 

გასული წლის 30 დეკემბერს "სინოფარმმა" გამოაცხადა, რომ მათი ვაქცინების ეფექტურობის დონე იყო 79.34 პროცენტი.
 
კომპანიას ჯერ არ გამოუქვეყნებია მონაცემები მესამე ფაზის შესახებ. 

უნგრეთი ევროკავშირის პირველი წევრი ქვეყანა გახდა, რომელმაც 2021 წლის 30 იანვარს ეს ვაქცინა ეროვნულად დაამტკიცა. 

"სინოფარმმა" კომენტარის გარეშე დატოვა არაბთა გაერთიანებული საემიროს განცადება იმასთან დაკავშირებით, რომ ამ ვაქცინის ეფექტურობა 86 პროცენტი იყო, რომელიც განსხვავებული იყო ჩინეთის მიერ გამოცხადებული მონაცემისგან. როდესაც კომპანიის წარმომადგენელს ჰკითხეს ამ საკითხზე მოსაზრება, მან განაცხადა, რომ ორივე მონაცემი "რეალური და ვალიდური იყო." მისი თქმით, განსხვავება გამოწვეული იყო იმით, რომ კლინიკური კვლევები სხვადასხვა დიზაინით ჩატარდა და მონაცემები არ იყო შედარებადი. 

2021 წლის თებერვალში, როდესაც ახალი კორონავირუსის სხვადასხვა მუტაციები გამოჩნდა, ჩინელმა მეცნიერებმა ეს ვაქცინა ერთ-ერთი მუტაციის წინააღმდეგაც გასინჯეს, რომელის სახელია B.1.351, რომელიც სამხრეთ აფრიკაში გამოჩნდა და გახდა დომინანტური. მათი თქმით, ამ ვარიანტის მიმართ ვაქცინა შედარებით სუსტი იყო, ვიდრე სხვა ვარიანტების წინააღმდეგ. ამ კვლევას peer review არ გაუვლია და მხოლოდ პრე-პრინტების სამედიცინო პლატფორმა bioRxiv-ზე გამოქვეყნდა.

 

ინფორმაციის წყარო: ნიუ იორკ ტაიმზის ვაქცინების ცნობარი

 

მედიაპორტალი © CACTUS-MEDIA.GE

"კაქტუსი" საქართველოსა და მსოფლიოში მიმდინარე ჯანდაცვის, გარემოს დაცვისა, მეცნიერებისა და კულტურის შესახებ მოგიყვებათ.

ვრცლად >>