კორონავირუსის გაუვნებელყოფილი ან დასუსტებული [ატენუირებული] ვაქცინები

ვაქცინების ეს დიზაინი გაუვნებელყოფილი ან ქიმიური ნივთიერებებით განადგურებული ახალი კორონავირუსის ფრაგმენტებისგან შედგება.

 გრაფიკა © The New York Times 

სტატუსი: მესამე ფაზა

ტიპი: ატენუირებული, გაუვნებელყოფილი ვირუსული ფრაგმენტები

ვაქცინის სახელი: CoronaVac [ძველი სახელი PiCoVacc]

ეფექტურობა:  50.65% ბრაზილიის კვლევაში, 91.25% თურქულ კველვაში 

დოზები: 2 დოზა, 2 კვირის გამოშვებით

მიღების წესი: ინექცია კუნთებში

შენახვის წესი: საყინულე

Sinovac Biotech კერძო ჩინური კომპანიაა, რომელმაც COVID-19-ის ინექტივირებული ვაქცინის განვითარება 2020 წლის დასაწყისში დაიწყო.

2021 წლის დასაწყისში, ბრაზილიასა და თურქეთში ჩატრებულმა კლინიკურმა კვლევებმა აჩვენა, რომ ვაქცინა იცავდა COVID-19 ინფექციისგან, მაგრამ ეფექტურობასთან დაკავშირებული შედეგები ძალიან განსხვავებული იყო - ნაწილობრივ იმიტომ, რომ ამ ორი ქვეყნის კვლევის დიზაინი სხვადასხვა იყო. ბრაზილიის კვლევის ეფექტურობა 50% იყო. თურქეთის კვლევების შედეგად - 91.25 % აჩვენა. სინოვაკმა ამ მონაცემების ნაწილი გასული წლის 3 აპრილს გამოაქვეყნა, რომელიც სამედიცინო ჟურნალებში არ გამოქვეყნებულა. ამის მიუხედავად, 6 თებერვალს ჩინეთმა მაინც დაამტკიცა ეს ვაქცინა ეროვნულად.

სხვა ქვეყნებიც იწყებენ ამ ვაქცინის მიღებას. საქართველოში ვაქცინაზე რეგისტრაცია დღეს დაიწყო.  

გასულ წელს, ვაქცინის ჩაშვების შემდეგ, 1/2 ფაზის კლინიკურმა კვლევამ, რომელშიც 743 ადამიანი იღებდა მონაწილეობას, აჩვენა, რომ ამ ვაქცინას განსაკუთრებულად ცუდი გვერდითი მოვლენები არ ჰქონია. "სინოვაკმა" ნოემბრის კვლევის ეს მონაცემები ჟურნალ "ლანცეტში" გამოაქვეყნა, რომლიდან გამომდინარე ანტისხეულების ოდენობა საკმაოდ მოკრძალებული იყო კვლევის მონაწილეებში.

ივლისში "სინოვაკმა" კლინიკური კვლევების მესამე ფაზა წამოიწყო ბრაზილიაში, ინდონეზიასა და თურქეთში.  

ამავე თვეს ჩინეთის მთავრობამ ეს ვაქცინა საგანგებო რეჟიმში დაამტკიცა, შეზღუდული ოდენობით გამოყენებისთვის. გასული წლის ოქტომბერში მთავრობის წევრებმა გამოაცხადეს, რომ ამ ვაქცინას აწვდიდნენ მხოლოდ ისეთ ხალხს, რომლებსაც მაღალი რისკის სამსახური ჰქონდათ, მათ შორის, სამედიცინო პერსონალს, პორტების ინსპექტორებს და საჯარო დაწესებულებების მომსახურე პერსონალს. 

მეცნიერებმა, რომლებიც ამ ვაქცინის მესამე ფაზას ხელმძღვანელობდნენ, გასული წლის დეკემბერში დაიწყეს პირველი შედეგების გამოქვეყნება და შესაბამისად აახლებდნენ ინფორმაციას. მიუხედავად იმისა, რომ ბრაზილიურ კვლევაში ამ ვაქცინამ შედარებით დაბალი ეფექტურობა აჩვენა, ის მაინც იცავდა დაავადების მწვავე ფორმის განვითარებისგან. კვლევის არც ერთ მონაწილეს, რომელიც ამ ვაქცინას იღებდა, ჰოსპიტალიზაცია არ დასჭირვებია.

"სინოვაკმა", სულ მცირე, 11 ქვეყანასთან მიაღწია შეთანხმებას ამ ვაქცინით მომარაგებასთან დაკავშირებით. ინდონეზიამ ეს ვაქცინა საგანგებოდ დაუშვა 11 იანვარს, ორი დღის შემდეგ კი პრეზიდენტი სატელევიზიო ლაივში აიცრა ამ ვაქცინით. თურქეთმა ეს ვაქცინა 13 იანვარს დაამტკიცა და თურქეთის პრეზიდენტი მეორე დღეს აიცრა. ბრაზილიამ ეს ვაქცინა 17 იანვარს დაამტკიცა.

4 მაისს ევროპის სამედიცინო სააგენტომ [E.M.A.] გამოაცხადა, რომ კორონავაკის კლინიკური მონაცემების გაცნობას იწყებდა.  

1 აპრილს "სინოვაკმა" გამოაცხადა, რომ მას შეეძლო 2 მილიარდი დოზა ვაქცინის წარმოება. 

13 მაისს "სინოვაკმა" ამ ვაქცინის მეორე ფაზის კლინიკური კვლევა დაარეგისტრირა ბავშვებისა და მოზარდებისთვის.



♦  მეტი დეტალისთვის, წაიკითხეთ როგორ მუშაობს "სინოვაკის" ვაქცინა?

♦  "სინოვაკის" COVID-19 ვაქცინა დამტკიცებულია ჩინეთში.

♦  საგანგებოდ დაშვებულია შემდეგ ქვეყნებში: აზერბაიჯანი, ბრაზილია, კამბოჯა, დომინიკელთა რესპუბლიკა, ეკვადორი, ეგვიპტე, ჰონგ კონგი, ინდონეზია, ლაოსი, მალაზია, მექსიკა, მოლდოვა, პაკისტანი, პანამა, ფილიპინები, ტაილანდი, ტუნისი, თურქეთი, უკრაინა, ურუგვაი, ზიმბაბვე.