მანამდე ბარიციტინიბი რემდესივირთან ერთად ინიშნებოდა

 

"> კაქტუსი | F.D.A.-მ COVID-19-ის სამკურნალოდ ცალკე ბარიციტინიბი დაუშვა





მეცნიერება

F.D.A.-მ COVID-19-ის სამკურნალოდ ცალკე ბარიციტინიბი დაუშვა




28 ივლისს ამერიკის შეერთებული შტატების სურსათისა და წამლის ადმინისტრაციამ [F.D.A.] საგანგებო დაშვების ფარგლებში COVID-19-ის სამკურნალოდ ბარიციტინიბი [ოლუმიანტი] ცალკე რეჟიმში სამკურნალოდ დაუშვა. ამ დაშვებით, შესაძლებელი იქნება ბარიციტინიბით ცალკე მკურნალობა და არა რომელიმე მედიკამენტთან კომბინაციაში.  

ბარიციტინიბი გამოიყენება როგორც პედიატრიული [2 წლის ზემოთ ბავშვების], ასევე ზრდასრული პაციენტებისთვისაც, რომლებიც ჰოსპიტალში მკურნალობენ COVID-19-ს და საჭიროებენ დამატებით ჟანგბადს, არაინვაზიური ან ინვაზიური მექანიკური ვენტილაციის ან/და ექსტრაკორპორალურ მემბრანულ ოქსიგენაციის [ECMO] სახით. 

ბარიციტინიბის სამკურნალო სტატუსის გადახედვა ემყარება მონაცემებს, რომლის ფარგლებშიც COVID-19 ინფექციის მქონე პაციენტების კლინიკური მონაცემები გააანალიზეს. ბარიციტინიბის ჯგუფში შემცირდა სიკვდილიანობა 28 დღის განმავლობაში, სტანდარტული მკურნალობის ჯგუფთან შედარებით.

ამ კვლევის ფარგლებში, ეს მედიკამენტი რემდესივირთან ერთად არ გამოიყენეს. შესაბამისად, პაციენტებს ამ მედიკამენთან ერთად რემდესივირი არ მიუღიათ. ამ კვლევამ მარეგულირებელს მიაწოდა დამატებითი ინფორმაცია, რომელიც არ არსებობდა ამ მედიკამენტის თავიდან, რემდესივირთან კომბინაციაში დაშვების დროს, რაც შარშან, 19 ნოემბერს, მოხდა.

მიმდინარე დაშვების ფარგლებში გაირკვა, რომ ბარიციტინიბის დანიშვნა რემდესივირთან ერთად აუცილებელი არ არის. თუმცა, ამ კლინიკურ კვლევას, სახელად COV-BARRIER trial, კითხვის ნიშნის ქვეშ არ დაუყენებია ბარიციტინიბის უსაფრთხოება და ეფექტურობა რემდესივირთან ერთად. 

მედიკამენტი რემდესივირი ასევე რჩება საგანგებო დაშვების რეჟიმში მოზრდილებსა და პედიატრიული პაციენტებისთვის [12 წლის ასაკის მოზარდებისა და მოზრდილებისთვის, რომელთა წონა მინიმუმ 40 კილოგრამია], და რომლებიც კლინიკაში მკურნალობენ. 

რემდესივირი ასევე რჩება საგანგებო რეჟიმის მედიკამენტად პედიატრიული პაციენტებისთვის, რომლებიც იწონიან 3.5 კილოგრამზე მეტს ან ჰოსპიტალიზებული პედიატრიული პაციენტებისთვის, რომლებიც 12 წლამდე არიან, მაგრამ იწონიან, სულ მცირე, 3.5 კილოგრამს. 

მედიაპორტალი © CACTUS-MEDIA.GE

"კაქტუსი" საქართველოსა და მსოფლიოში მიმდინარე ჯანდაცვის, გარემოს დაცვისა, მეცნიერებისა და კულტურის შესახებ მოგიყვებათ.

ვრცლად >>