მერკმა F.D.A.-ს COVID-19-ის სამკურნალო ანტივირუსული აბის დასამტკიცებლად მონაცემები წარუდგინა





მეცნიერება

მერკმა F.D.A.-ს COVID-19-ის სამკურნალო ანტივირუსული აბის დასამტკიცებლად მონაცემები წარუდგინა




ფარმაცევტულმა კომპანია "მერკმა" დღეს განაცხადა, რომ ამერიკის სურსათისა და წამლის ადმინისტრაციას მიმართა, რათა მარეგულირებელმა განიხილოს მედიკამენტ "მოლნუპირავირის" საკითხი, ახალი კორონავირუსით გამოწვეული ინფექციის, COVID-19-ის, სამკურნალოდ. 

თუკი დამტკიცდა, მოლნუპირავირი პირველი აბი იქნება, რომლითაც COVID-19-ის მკურნალობა იქნება შესაძლებელი.  

სპეციალისტების აზრით, მოლნუპირავირი ბევრ სასიკეთო ცვლილებას მოიტანს COVID-19-ის კლინიკური მენეჯმენტის თვალსაზრისით, რადგან აბის გამოყენება უფრო იოლია, მედიკამენტი შედარებით იაფია და უფრო მოსახერხებელი იქნება მაღალი რისკის პაციენტების მართვისთვის.

ეს მედიკამენტი ერთი მესამედით იაფია მონოკლონურ ანტისხეულებზე, რომლებსაც ასევე იყენებენ COVID-19-ის სამკურნალოდ და რომელსაც პაციენტს ვენაში უსხამენ და უფრო რთულ ადმინისტრირებას საჭიროებს, ვიდრე აბი.

ფარმაცევტული კომპანია "მერკი" მოლნუპირავირს მეორე კომპანია Ridgeback Biotherapeutics-თან ერთად აწარმოებს.  არაერთმა მთავრობამ უკვე წინასწარ დაუკვეთა ეს მედიკამენტი, რადგან მიმდინარე თვეს გამოქვეყნებულმა კლინიკურმა კვლევებმა დამაიმედებელ შედეგები აჩვენა. 

ავსტრალიამ, მალაზიამ, სინგაპურმა და სამხრეთ კორეამ უკვე მიაღწიეს შეთანხმებას მწარმოებელ კომპანიებთან.

მოლნუპირავირმა გაანახევრა ჰოსპიტალიზაცია და სიკვდილიანობა ერთ-ერთი კლინიკური კვლევის თანახმად, რომელიც არავაქცინირებულ მოზარდ ინდივიდებში ჩატარდა. კვლევაში მონაწილეებს სიმპტომური COVID-19 ინფექცია ჰქონდათ და დაავადების გამწვავების რისკის ჯგუფს წარმოადგენდნენ. 

 

მედიკამენტის მოკლე ისტორია: 

მოლნუპირავირი / Molnupiravir

საიმედო მონაცემები  მონაცემები სინჯარებიდან,  ცხოველებსა და ადამიანებში 

მოლნუპირავირი [ასევე ცნობილი, როგორც MK-4482 და უფრო ადრე, როგორც EIDD-2801] ანტივირუსული მედიკამენტია, რომელიც თავის დროზე ვირუს ინფლუენზასთან საბრძოლველად შეიქმნა. ფარმაცევტული კომპანიები -  Merck და Ridgeback თანამშრომლობენ, რომ ერთად გამოსცადონ მოლნუპირავირის ეფექტურობა ახალი კორონავირუსის წინააღმდეგ. რემდესივირისგან განსხვავებით, რომელსაც პაციენტს ვენაში უსხამენ, მოლნუპირავირი აბის სახით მიიღება. ამ თვალსაზრისით, ის უფრო მარტივი მოსახმარია დაავადების პროგრესირების შესაჩერებლად.

კვლევის ადრეულ ეტაპებზე, როდესაც ეს მედიკამენტი ადამიანის ფილტვების უჯრედებსა და ცხოველებზე იცდებოდა, მოლნუპირავირმა საიმედო მონაცემები მოაგროვა ახალი კორონავირუსის წინააღმდეგ ბრძოლის თვალსაზრისით. 2020 წლის ოქტომბერში კომპანიებმა კლინიკური კვლევების ⅔ გაერთიანებული ფაზა დაიწყეს, რათა ენახათ, ამცირებდა თუ არა მოლნუპირავირი სიკვდილიანობას და აჩქარებდა თუ არა გამოჯანმრთელებას COVID-19 პაციენტებში. 

აპრილში Merck-მა და Ridgeback-მა განაცხადეს, რომ ისინი წყვეტდნენ კლინიკურ კვლევას მოლნუპირავირზე, ვინაიდან წინასწარი მონაცემები საიმედო არ ჩანდა. 2021 წლის ოქტომბერში კი კომპანიებმა გამოაცხადეს, რომ მაღალი რისკების მქონე პაციენტებში ამ მედიკამენტმა საიმედო შედეგები აჩვენა.  მოლნუპირავირმა პაციენტების ჰოსპიტალიზაცია და სიკვდილიანობა გაანახევრა. აშშ-ის ფედერალურმა მთავრობამ წინასწარ შეუკვეთა მედიკამეტები. 

 

 
მედიაპორტალი © CACTUS-MEDIA.GE

"კაქტუსი" საქართველოსა და მსოფლიოში მიმდინარე ჯანდაცვის, გარემოს დაცვისა, მეცნიერებისა და კულტურის შესახებ მოგიყვებათ.

ვრცლად >>